Inkuru z'urukundo

Uwahoze ari nyiri ikipe ya QPR ari mu rukundo n’umunyeshuli arusha imyaka 49

Umuherwe witwa Flavio Briatore wahoze ari nyiri ikipe ya Queens Park Rangers ikina mu cyiciro cya kabiri mu bwongereza ndetse akanayobora umukino wa F1 ari mu rukundo n’umukobwa w’umunyeshuli w’imyaka 20 mu gihe we afite imyaka 69.

Briatore utunze akayabo k’amadolari yashatse iyi nkumi arusha imyaka 49 kugira ngo imufashe gusaza neza dore ko mu minsi ishize bifotoje bari kurira ubuzima muri Kenya.

Briatore w’imyaka 49 ari mu rukundo n’umukobwa w’imyaka 20 witwa Bernadetta Bosi.Uyu muherwe asanzwe ari umucuruzi kabuhariwe yaba mu Butaliyani iwabo no hirya no hino ku isi.

Uyu muherwe yishumbushije aka gakobwa gato kiga amategeko muri kaminuza y’i Milan nyuma yo gutandukana n’umugore we Elisabetta Gregoraci muri Mutarama 2018.

Briatore ubarirwa umutungo wa miliyoni 300 z’amapawundi, yamaze imyaka 3 ari nyiri ikipe ya QPR ndetse yayoboraga umukino wa F1 n’ikipe ya Renault yafashije kwegukana shampiyona mu myaka 10 ishize.

Uyu musaza azwiho gukunda abagore bidasanzwe kuko yagiye atera inda abanyamideli batandukanye abifashijwemo n’akayabo atunze.

To Top