Football

Umugabo wagurukaga n’umutaka yaguye mu kibuga bigarika umukino!

Umugabo utavuzwe amazina yakoze amahano amanukira mu mutaka aparika mu kibuga rwagati Inter Milan iri gukina na Sassuolo mu mukino wa Serie A wabaye kuri iki cyumweru.

Uyu mugabo yarogoye uyu mukino gato ubwo Romelu Lukaku yiteguraga gutera penaliti,abashinzwe umutekano binjira mu kibuga vuba na bwangu bajya kumusohora.

Uyu mugabo wari wambaye camera mu ngofero irinda umutwe we yari yambaye,yatumye benshi bacika ururondogoro kubera aya mahano yo guparika mu kibuga harimo umukino.

Uyu mugabo n’umutaka we basohowe muri stade n’abashinzwe umutekano umukino urakomeza ndetse Inter Milan inyagira Sassuolo ibitego 4-2.Ibitego bya Inter Milan byatsinzwe na Lukaku na Lautaro Martinez bose batsinze 2.

To Top