amakuru y'ibyamamare

Tanasha wenda kubyara yahishuye uburyo Diamond Platnumz yamuteye inda.

Umukunzi w’umuhanzi Diamond Platnumz, Tanasha Donna, yahishuye ko inda atwite yayisamye mu buryo bumutunguye atabiteguye.

Tariki ya 7 Nyakanga 2019 yari umunsi udasanzwe kuri Diamond. Wabaye uw’ibirori by’impurirane kuko wizihijweho isabukuru y’amavuko y’umubyeyi we Sandra Sanura n’umukunzi we Tanasha Donna.

Ni umunsi waranzwe n’ibyishimo by’ikirenga kuko witabiriwe n’ibyamamare bitandukanye muri Tanzania barimo na se wa Diamond wari waserukanye n’umugore we mushya.

Muri ibi birori Diamond yahereyemo umugore we na nyina impano y’imodoka yo mu bwoko bwa Toyota Land Cruiser V8 na Toyota Land-cruiser Prado.

Mu ijambo rye uyu muhanzi umaze kwandika ibigwi mu muziki wa Afurika y’Iburasirazuba na Afurika yose, yanahishuye ko we n’umukunzi we bitegura kubyara umwana w’umuhungu ubura amezi abiri ngo avuke.

Abinyujije kuri Instagram, Tanasha yagaragaje ko afite amatsiko yo kubona umwana we w’imfura akaba uwa kane kuri Diamond.

Uyu munyamakuru ukomoka muri Kenya yakomeje avuga ko yamusamye uwo mwana atabishakaga.

Yagize ati “Amezi arindwi arashize ntwite, harabura abiri ngo mbyare. Ngomba kuvuga ko byabaye vuba kandi ntabiteganyije, mbere numvaga ntiteguye ariko uko iminsi ishira numva nakiriye umugisha uvuye ku Mana.”

Mu magambo agaragaza amashushyu menshi yo kubona uyu mwana, yavuze ko we na Diamond bazi neza ko Imana ifite imufiteho umugambi ukomeye.

Tanasha na Diamond beruye ko bakundana mu Ukwakira 2018, bidatinze ahita anamutera inda, ibishobora kuba impamvu yo kuvuga ko yasamye vuba.

Uyu mwana w’umuhungu azaza asanga abandi batatu barimo babiri Diamond yabyaye ku muherwe Zari The Boss Lady n’umwe yabyaranye na Hamisa Mobeto.

Kuri ubu Diamond na Tanasha basigaye babana mu nzu iminsi myinshi n’ubwo batarakora ubukwe. Tariki 14 Gashyantare 2019 nibwo bwari kuba ariko buza kwimurwa bushyirwa ku yindi tariki itaratangajwe.

To Top