sport

Kiyovu Sports iheruka igikombe cy’amahoro muw’1993 yongeye gushengurwa na AS Kigali iyitwara igikombe

Burya wabona ukina umukino runaka ugatsinda naho gutsindwa bishengura imitima ya benshi cyane cyane muri Ruhago ikunzwe cyane hano ku Isi Nzima. Mu Rwanda ubu abakunzi ba Ruhago cyane  abafana b’ikipe ya Kiyovu Sports bashenguwe imitima nyuma yo kunyagirwa Ibitego 2-0 na As Kigali kandi bari bazi neza ko begukana itsinzi kuri Sitade ya Kigali Nyamirambo.

Ku Isaha ya Saa kumi nimwe z’umugoroba nibwo umukino ku mpande zombi warutangiye,ikitwa umufana wese wa Kiyovu Sports yari ahari kwihera ijisho ngo barebe ko bakwisubiza igikombe cy’amahoro baherukaga gutwara muw’1993  ubwo icyo gihe cyitwaga  Trophee Habyarimana.

 Ikipe ya AS Kigali ibatsinze ibitego 2-1 nyuma y’iminota 120 y’umukino.Ubwinshi bw’abakunzi ba Kiyovu Sports bari buzuye stade ya Kigali ntibwakanze AS Kigali,kuko ibashije kwegukana igikombe cy’Amahoro ku ntsinzi y’ibitego 2-1 ibonye yiyushye akuya.

Kiyovu Sports iheruka igikombe icyo aricyo cyose mu mwaka wa 1993,itsindiwe ku mukino wa nyuma w’igikombe cy’Amahoro yari yaje yiteguye gutwara na AS Kigali mu mukino yayobonye mu minota 90 ibanza.

Imbere y’abafana bayo bari bafite inyota,Kiyovu Sports yafunguye amazamu ku munota wa 38 ibifashijwemo na Rwabuhihi Aime Placide ndetse ijya kuruhuka iyoboye n’igitego 1-0.

AS Kigali yatwaye igikombe cy’Amahoro 2013,yagarutse mu gice cya kabiri yariye karungu niko kwiba umugono Kiyovu Sports,iyitsinda igitego ku munota wa 54 gitsinzwe na Niyomugabo Jean Ckaude,ku ishoti rikomeye yateye nyuma yo guherezwa umupira mwiza na Nsabimana Eric ’Zidane’.

Nyuma yo kunganya igitego 1-1,amakipe yombi yatangiye gucungana cyane buri wese yirinda ko undi yamubanza igitego,bituma iminota 90 y’umukino irangira ari 1-1.
Umusifuzi Mukansanga Salma yahise ategeka amakipe yombi kugaruka mu kibuga bagakina indi minota 30 nkuko amategeko abiteganya iyo habayeho kunganya mu minota 90 ku mukino wa nyuma w’igikombe cy’Amahoro.

Kiyovu Sports yatangiraye uburangare bwinshi yahushijwe igitego cyari cyabazwe ku munota wa 91 w’umukino na Nsabimana Eric wateye umupira n’umutwe ugakurwamo na Nzeyurwanda Djihad.

Nyuma yo guhusha iki gitego,Nsabimana Eric yahise yikosora ku munota wa 93 atsindira AS Kigali igitego cy’intsinzi,nyuma yo gucenga ba myugariro ba Kiyovu Sports ntibabashe kumuhagarika.

AS Kigali ikimara kubona iki gitego yahise itangira kureba uko yafunga izamu ryayo gusa na Kiyovu Sports ntiyongeye kubona amahirwe menshi bituma umukino urangira ku ntsinzi ya AS Kigali y’ibitego 2-1.

Abafana ba Kiyovu Sports bari bizeye cyane igikombe bitewe ahanini n’ukuntu baje bambaye imipira yanditseho ko ari aba Champions,batashye batishimye kuko icyizere cyo guhagarika imyaka 21 badatwara igikombe kiyoyotse. N’inshuro ya gatanu Kiyovu Sports igeze ku mukino wa nyuma w’Igikombe cy’Amahoro igatsindwa.

AS Kigali nyuma yo gutwara iki gikombe,ihise ibona amahirwe yo kuzahagararira u Rwanda mu mikino ya CAF Confederations Cup ibifashijwemo n’umutoza wayo usanzwe yungiriza Mateso Jean de Dieu.

Twavugako kandi Nanone mu bagore ikipe ya AS Kigali niyo yegukanye igikombe cy’Amahoro itsinze Scandnavia igitego 1-0 cyatsinzwe na Ibangarye Anne Marie.

To Top