amakuru y'ibyamamare

Imyambarire ya CR7 Ronaldo n’umukunzi we bavuye gusenga yatunguye benshi!

Rutahizamu Cristiano Ronaldo n’umukunzi we Georgina Rodriguez bafotowe amafoto menshi bavuye gusenga kuwa Gatandatu w’icyumweru gishize habura umunsi umwe ngo ikipe ye Juventus isura ikipe ya Inter Milan muri Serie A.

Uyu rutahizamu yagaragaye yambaye ikabutura,n’amadarubindi ubwo yafotorwaga n’abantu asohotse muri rumwe mu rusengero rwo mu mujyi wa Turin ari kumwe n’umukunzi we Georgina.

Cristiano usanzwe ari umuyoboke wa kiliziya gatolika,yafotowe agiye kwiragiza Imana mbere y’umukino ukomeye batsinzemo ikipe ya Inter Milan ibitego 2-1 mu mpera z’icyumweru gishize.

Ronaldo wari wiyambariye imyenda isanzwe irimo ikabutura,umupira,n’inkweto za siporo mu gihe umukunzi we yari yambaye imyambaro ya siporo ya Kappa.

Benshi mu babonye aya mafoto banenze uyu mukinnyi kubera iyi myambarire yajyanye mu rusengero kandi imeze nk’iyo kujyana muri siporo.

Benshi banze kwemera ko Ronaldo n’uyu mukunzi we bari bavuye gusenga kuko iyi myambarire ye itamenyerewe ku bantu bagiye mu rusengero.

To Top