Inkuru z'urukundo

Cadette arembeye mu bitaro, naho Sano we arimo kwigamba.

Umuhanzi w’indirimbo zo kuramya no guhimbaza Imana, Sano Olivier, nyuma y’uko bivuzwe ko yabeshye umukobwa bakundanaga ko azamushaka akamurya amafaranga arenga miliyoni 30, arimo kwigamba avuga ko abarimo kumuvuga bazi ko bamusebya ahubwo barimo kumuzamurira izina.

Cadette arembeye mu bitaro kubera umuvuduko ukabije wamaraso

Mu minsi ishize hari inkuru y’umuhanzi Sano Olivier wari warasezeranye na Uwera Carine mu murenge ndetse baremeranyije kuzabana, gusa ku munota wa nyuma ubukwe bwaje gupfa nyuma y’uko Sano abwiye Carine ko adashobora kumushaka.

N’ubwo ubukwe bwapfuye, uyu mukobwa yatangaje ko amuhemukiye cyane kuko yamuriye utwe amwizeza kuzamushaka, hari ikibanza baguze umusore aza kukigurisha atabizi, imodoka uyu musore agendamo, amafaranga bari barabitse yo kuzakoresha ubukwe n’ibindi.

Urukundo rwaba bombi rwamaze kuba kera habayeho.

Nyuma y’ibi byose byabaye, uyu musore yumvikanye arimo yishongora kubamuvuze kuri ibi bintu yakoze, aho yavuze ko birimo kumufasha kuzamura izina rye abantu benshi bakamumenya.

Mu majwi ye yagiye hanze yagize ati”Ahantu ndi kugera simpazi, uziko ndikugera kuri YouTube nkasanga indirimbo yanjye yari ifite ibihumbi bibiri by’abantu bayirebye yageze mu bihumbi 15, ushobora kubyumva ukuntu barimo banzamura bazi ko barimo kumvuga nabi?”

Yakokemeje agira ati”abankurikira kuri Instagram bari gukabakaba ibihumbi 5, ndashyiraho video kuri Instagram mu minota mike iraba igize ku bantu barenga 200, ifoto yo mu minota 30 iraba igize abantu barenga ibihumbi 3. Banzamuye cyane[…] mutuze noneho murebe Sano, Isi noneho nayifashe yose.”

Carine na Olivier bakaba bari bamaze imyaka 3 bakundana, aho muri Gicurasi 2019 basezeranye imbere y’amategeko nyuma umuhungu aza kumwihinduka.

To Top