Amakuru muri Muzika

“TB-Champion” izina rishya ryahawe Mico nk’umuhanzi wiyemeje kurwanya igituntu

Mico The Best yamaze guhabwa no kwemererwa kwitwa TB-Champion nk’umuhanzi umwe rukumbi mu Rwanda wihaye ingamba zo gukangurira abanyarwanda n’abaturarwanda kurwanya indwara y’igituntu abinyujije mu buhanzi bwe.

Iri zina “TB-Champion” Mico yarihawe anaryemererwa n’ikigo  cya RBC nyuma yuko uyu muhanzi ukunzwe cyane mu Rwanda abifashijwemo na Kikac Music nk’abamufasha mu muziki we agaragarije iki kigo ko yamaze kuyoboka inzira yo gushishikariza abanyarwanda n’abaturarwanda bose kwirinda indwara y’igituntu.

Mu muhango wabaye kuri uyu wa kane taliki ya 23 Mutarama nibwo ku biro bikuru bya RBC I Remera habereye umuhango wahuje Umuhanzi  Mico The Best aherekejwe n’abayobozi bakuru (Dr Kintu na Claude) ba Kikac Music nka “Label” ye; abanyamakuru ndetse n’bayobozi bakuru muri RBC; ni umuhango wari urimo kugaragariza abantu ingamba nshya zafashwe zo kurwanya Igituntu harimo bwa mbere kwipimisha no kuvurwa kuko iyi ndwara ivurwa igakira nk’uko insanganyamatsiko y’uyu mwaka izizihirwa ikaba igira iti : “Twisuzumishe igituntu Kiravurwa kigakira”

Nubwo ariko ari Mico The Best wateye iyi ntambwe nk’umusitari ukunzwe cyane mu Rwanda; n’ibindi byamamare nyarwanda cyane cyane abahanzi ndetse n’abandi bazwi mu Rwanda mu myidagaduro bahise bafata iya mbere nabo gushyigikira Mico muri iki gikorwa nk’umuraperi Riderman, Miss Jolly n’abandi

To Top